जुन्नर प्रतिनिधी : रविंद्र भोर
पुणे जिल्हा शिक्षण मंडळाच्या अण्णासाहेब वाघिरे महाविद्यालय ओतूर मधील राष्ट्रीय सेवा योजना विभागाच्या वतीने आज कपरदिकेश्वर यात्रेनंतर यात्रा परिसर स्वच्छता अभियान राबविण्यात आले अशी माहिती राष्ट्रीय सेवा योजनेचे कार्यक्रम अधिकारी डॉ अमोल बिबे व प्राचार्य अभय खंडागळे यांनी दिली.
कपरदिकेश्वर यात्रेसाठी दरवर्षी हजारो भाविक भेट देतात यात्रा चैतन्य वेशीपासुन मंदिरापर्यंत भरते या परिसराचे राष्ट्रीय सेवा योजनेच्या स्वयंसेवकांनी स्वच्छता अभियान राबवून सहा ट्रेलर एवढा कचरा स्वयंसेवकांनी यात्रा परिसरातून काढला.सदर स्वच्छता अभियान मध्ये राष्ट्रीय सेवा योजनेतील स्वयंसेवकां- बरोबरच ग्रामपंचायत ओतूर चे स्वच्छता कर्मचारी तसेच महाविद्यालयातील डॉ डी एम टिळेकर,डॉ.व्ही वाय गावडे, डॉ ए के लोंढे,डॉ आर एन कसपटे यांनी श्रमदान केले.
सदर स्वच्छता अभियानसाठी ग्रामपंचायत ओतूरचे सरपंच मा.श्री प्रशांत डुंबरे,सौ छाया तांबे तसेच महाविद्यालयाचे प्राचार्य अभय खंडागळे, उपप्राचार्य डॉ व्ही एम शिंदे,डॉ के डी सोनावणे,डॉ बी एम शिंदे,डॉ व्ही वाय गावडे,डॉ एन एन उगले,डॉ एस आर गव्हाळे,डॉ एस बी वाळके आदी मान्यवर उपस्थित होते.स्वच्छता अभियान यशस्वीपणे पार पडण्यासाठी राष्ट्रीय सेवा योजनेचे कार्यक्रम अधिकारी डॉ अमोल बिबे व डॉ निलेश काळे व डॉ अजय कवाडे यांनी विशेष परिश्रम घेतले.