जुन्नर तालुका प्रतिनिधी :-रविंद्र भोर
शिरूर लोकसभा मतदारसंघाचे निवडणूक निर्णय अधिकारी अजय मोरे यांनी मंगळवारी ता:- २ मार्च रोजी जुन्नर विधानसभा मतदारसंघात भेट देऊन लोकसभा निवडणुकीच्या तयारीचा आढावा घेतला. या बैठकीला सहाय्यक निवडणूक अधिकारी पल्लवी घाडगे व अतिरिक्त सहाय्यक निवडणूक अधिकारी रवींद्र सबनिस,उपविभागीय पोलिस अधिकारी रवींद्र चौधर,गटविकास अधिकारी सचिन सूर्यवंशी,तसेच सर्व क्षेत्रीय अधिकारी, नोडल अधिकारी,तलाठी, मंडलाधिकारी, ग्रामसेवक उपस्थित होते.
यावेळी ईव्हीएम व स्ट्रॉगरुमचे व्यवस्थापन, मतदान केंद्रावरील सर्व सुविधा,निवडणुकीच्या दिवशी करावयाचे कामकाज या विषयांचा आढावा घेतला. तसेच,शंकरराव बुट्टे पाटील विद्यालयातील स्ट्रॉग रुम व बुचकेवाडी मतदान केंद्रास भेट देऊन पाहणी केली. यावेळी आवश्यक त्यास सूचना केल्या.रवींद्र सबनीस यांनी आभार मानले.