जुन्नर तालुका प्रतिनिधी:-रविंद्र भोर
जुन्नर शहरात भरदिवसा रस्त्याने चाललेल्या महिलेचेदुचाकीवर आले अन् धूम सिनेमातील स्टाईलने एका जेष्ठ महिलेचे मंगळसुत्र हिसकावून पळून गेल्याची घटना जुन्नर शहरात शुक्रवारी दि:-२९ दुपारी २:३० वाजण्याच्या सुमारास घडली. याबाबत सविस्तर माहिती मिळाली आहे की,घराकडे पायी निघालेल्या ज्येष्ठ महिलेचे अंदाजे अडीच ताळे सोन्याचे मंगळसूत्र दुचाकीवरून आलेल्या चोरट्यांनी हिसकावून नेले.याप्रकरणी आशालता रमेश शिंगोटे वय वर्ष ६५ यांनी जुन्नर पोलीस ठाण्यात फिर्याद दाखल केली आहे.
आशालता शिंगोटे या कल्याण पेठ येथील त्यांच्या घरी पायी जात होत्या.यावेळी उन्हाचा प्रचंड तडाखा असल्याने स्वतःचा उन्हापासून बचाव करत ही जेष्ठ महिला सुनसान रस्याने जात असताना काळ्या रंगाच्या दुचाकीवरून आलेल्या दोघा चोरट्यांनी हिसका मारून शिंगोटेंच्या गळ्यातील सोन्याचे मंगळसूत्र नेल्याचे फिर्यादीत म्हटले आहे.त्यानुसार जुन्नर पोलीस स्टेशनमध्ये गुन्हा दाखल केला आहे. तसेच सदरची घटना सीसीटीव्हीमध्ये कैद झाली आहे.
याप्रकरणी पोलिस निरिक्षक किरण अवचर यांच्या मार्गदर्शनाखाली पुढील तपास सुरू आहे.