शुभम वाकचौरे
शिरूर तालुक्यातील कवठे येमाई येथे अल्पवयीन मुलीचा विनयभंग झाल्याची घटना घडली आहे.संबंधित आरोपीवर शिरुर पोलिस स्टेशनमध्ये गुन्हा दाखल करण्यात आला आहे.
या प्रकरणी इंदाराम दिगंबर हीलाळ (रा. घनेशी, गणेशनगर, कवठे येमाई) या संशयितावर पॉस्को कायद्यान्वये शिरूर पोलिसांनी गुन्हा दाखल केला आहे. मौजे कवठेयेमाई, ता. शिरूर जि. पुणे गावचे हद्दीत पीडिता ही गुरुवारी दुपारी १ च्या सुमारास तिच्या घरासमोर पत्र्याचे शेडमध्ये बसली असताना. संशयित इंदाराम दिगंबर हिलाळ रा. घनशी, गणेशनगर, कवठे येमाई, ता. शिरूर, जि. पुणे याने पत्रा शेडची बाहेरून लावलेली कडी काढुन आत आला.त्याने तिचा हात धरला पिडीतेने विरोध केला असता. त्याने तिला मिठी मारून घरात ओढत नेले. पिडीतेने घाबरून आरडाओरडा केल्याने तो तेथून निघुन गेला. जाताना त्याने सांगितले की तु कोणाला सांगशील तर तुला जीवे मारून टाकीन असे बोलुन धमकी दिली.
या घटनेचा तपास पोलीस उगले, पोलीस पवार हे प्रभारी अधिकारी जोतीराम गुंजवटे पोलिस निरीक्षक शिरूर यांच्या मार्गदर्शनाखाली करत आहेत.