निर्वी प्रतिनिधी -शकील मनियार
सणसवाडी( ता.शिरूर) येथे स्वर्गीय पीएसआय पद्माकर हरगुडे शिक्षण संस्था संचलित जिजामाता इंग्लिश मीडिअम स्कूल मध्ये एक राखी जवानांसाठी उपक्रम राबविण्यात आला. सीमेवर लढणाऱ्या जवानांप्रति विद्यार्थ्यांमध्ये देशप्रेम जागृत व्हावे या हेतूने विद्यार्थ्यांनी आपल्या स्वखर्चाने जवानांसाठी एक राखी पाठवण्याचा निर्धार करून या उपक्रमात सहभाग घेतला.
यावेळी मुख्याध्यापिका सारिका गावडे यांनी विद्यार्थ्यांना मोलाचे मार्गदर्शन केले.शाळेच्या चेअरमन सुनीता दत्तात्रय हरगुडे यांच्या मार्गदर्शनाखाली या राख्या पाठवण्यात आल्या या कार्यक्रमाला विद्यार्थ्यांसह सर्व शिक्षक या उपक्रमात सहभागी झाल्या होत्या.कविता हरगुडे यांनी सूत्रसंचालन केले व विजयश्री गोरे यांनी सर्वांचे आभार मानले.