जुन्नर प्रतिनिधी – सचिन थोरवे
श्रीक्षेत्र वडज येथील कुलस्वामी खंडेराय देवस्थान संचलित श्री.औद्योगिक प्रशिक्षण केंद्र व श्री.कुलस्वामी माध्यमिक विद्यालय,वडज यांच्या संयुक्त विद्यमाने शिक्षकदिनाचे औचित्य साधून शालेय व्यवस्थापन समितीचे विद्यमान अध्यक्ष ADV श्री. उल्हास चव्हाण साहेब यांच्या संकल्पनेतून पंचक्रोशीतील शिक्षकांना ट्रॉफी शाल, श्रीफळ देऊन गौरवण्यात यावे, या हेतूने या गुणगौरव सोहळ्याचे आयोजन करण्यात आले होते.
याप्रसंगी मा. श्री. रवींद्रजी चौधर साहेब पोलीस उपविभागीय अधिकारी, जुन्नर. प्रमुख पाहुणे म्हणून लाभले होते, त्याचबरोबर कुलस्वामी देवस्थान ट्रस्टचे अध्यक्ष विजय चव्हाण महाव्यवस्थापक राजेंद्र चव्हाण, औद्योगिक प्रशिक्षण केंद्राचे प्राचार्य श्री साळुंखे सर कुलस्वामी माध्यमिक विद्यालयाचे मुख्याध्यापक श्री. निमसे सर व सर्व शिक्षक वृंद ग्रामस्थ मंडळी मोठ्या संख्येने उपस्थित होते. स्वागत गीत सादर करून दीप प्रज्वलन करण्यात आले.
यावेळी केंद्रप्रमुख सौ.उज्वला नांगरे मॅडम, श्री गांगुर्डे गुरुजी, श्री ढोले गुरुजी यांनी आपले मनोगते व्यक्त केली, त्यानंतर शिक्षकांचा सत्कार समारंभाचा कार्यक्रम आयोजित करण्यात आला होता, कार्यक्रमाचे सूत्रसंचालन श्री सोनवणे व प्रास्ताविक श्री. साळुंके सर यांनी केले.