निर्वी प्रतिनिधी -शकील मनियार
श्री भैरवनाथ शिक्षण प्रसारक मंडळ लांडेवाडीच्या शिव संकुलामध्ये शिक्षक दिन मोठ्या उत्साहात साजरा करण्यात आला. यावेळी सुप्रसिद्ध मराठी कवी, विडंबनकार, चित्रपट दिग्दर्शक रामदासजी फुटाणे आणि प्रसिद्ध हास्य कवी भरत दौंडकर यांचा हास्य कवितांचा कार्यक्रम उत्साहपूर्ण वातावरणात संपन्न झाला.
यावेळी संस्थेच्या विविध शाखांमधील प्राचार्य/मुख्याध्यापक व शिक्षक वृंदाना सन्मानित करण्यात आले.अतिशय खडतर परिस्थितीत सुमारे ३५ वर्षांपूर्वी लांडेवाडी येथे छोट्याशा वर्गखोलीत शाळेची सुरुवात केली होती. तेव्हापासून आजपर्यंत संस्थेतील शिक्षकांनी मला अतिशय भक्कम साथ देऊन विद्यार्थी घडवण्याचे कार्य केले. आज संस्था नावारूपास येऊन संस्थेचे मोठ्या वटवृक्षात रूपांतर झाले आहे.
संस्थेच्या यशामध्ये शिक्षक वर्गाचा महत्वाचा व मोलाचा वाटा राहिला आहे. येथून शिक्षण घेऊन बाहेर पडणारे विद्यार्थी पुढे उच्च शिक्षण घेऊन विविध क्षेत्रात आपले नाव कमवत असून अनेक विद्यार्थ्यांनी परदेशातही आपले भक्कम स्थान निर्माण केले असल्याचे यावेळी प्रतिपादन करून सर्व शिक्षकांना शुभेच्छा व्यक्त केल्या.कार्यक्रमास शिवसेनेचे तालुक्यातील पदाधिकारी, लांडेवाडी ग्रामपंचायतचे पदाधिकारी उपस्थित होते.