प्रतिनिधी: जिजाबाई थिटे
डॉ बाबासाहेब आंबेडकर कार्यकारी समिती पुणेचे अध्यक्ष भीमराव धिवार यांच्या संकल्पनेतून जिल्ह्यातील उपक्रमशील शिक्षकांना छत्रपती राजर्षी शाहू महाराज जयंतीच्या निमित्ताने सन्मानित करण्यात आले.
सरदार रघुनाथराव ढवळे हायस्कूल व ज्युनिअर कॉलेज केंदुरचे ज्येष्ठ कलाशिक्षक संजय जोहरे व सर परशुरामभाऊ महाविद्यालय टिळक रोड पुणेचे गणित विषयाचे शिक्षक प्रा. विनोदकुमार दानवे यांना त्यांच्या कार्याबद्दल सन्मानित करण्यात आले. कार्यक्रमाच्या अध्यक्षस्थानी मा.रवींद्र चव्हाण मा.संचालक यशदा व बार्टी महाराष्ट्र शासन तर प्रमुख पाहुणे म्हणून मा.राहुल मोरे उपायुक्त महिला व बालकल्याण विभाग महाराष्ट्र शासन हे उपस्थित होते.
कस्तुरी हॉल,पुणे…सोलापूर रोड उरुळी कांचन या ठिकाणी झालेल्या कार्यक्रमासाठी विविध क्षेत्रातील मान्यवर उपस्थित होते.कार्यक्रमाच्या यशस्वीतेसाठी डॉ.बाबासाहेब आंबेडकर कार्यकारी समिती पुणेचे कार्याध्यक्ष विजय शिंदे, सचिव रा.वि.शिशुपाल,सहसचिव विजय रोकडे व सर्व समितीच्या पदाधिकाऱ्यांनी विशेष परिश्रम घेतले.