जुन्नर तालुका प्रतिनिधी:-रविंद्र भोर
“पुणे जिल्हा मध्यवर्ती सहकारी बँकेतील वरिष्ठ विकास अधिकारी रोहिदास दाजीसाहेब गोडे यांचे बँकिंग क्षेत्रातील काम अतिशय प्रेरणादायी व आदर्शवत असल्याचे प्रतिपादन जिल्हा परिषद पुणे चे माजी उपाध्यक्ष गणपतराव फुलवडे यांनी येथील एका कार्यक्रमात केले.
पुणे जिल्हा मध्यवर्ती सहकारी बँकेच्या सेवेत असलेले ज्येष्ठ विकास अधिकारी रोहिदास दाजीसाहेब गोडे हे बँकेतील आपल्या २७ वर्षांच्या दीर्घ सेवेनंतर विहित वयोमानानुसार सेवानिवृत्त झाले. त्यांच्या कार्याचा गौरव व्हावा म्हणून पारगाव मढ आदिवासी विकास सोसायटी आणि मढ आदिवासी विकास सोसायटीने त्यांचा सेवापूर्ती गौरव सोहळा पारगाव मढ येथे नुकताच आयोजित केला होता. याप्रसंगी अध्यक्षपदावरून फुलवडे बोलत होते.ते पुढे म्हणाले की,”जिल्हा परिषद पुणेचे समाज कल्याण खात्याचे माजी सभापती व विघ्नहर सहकारी साखर कारखान्याचे माजी संचालक स्वर्गीय दाजीसाहेब गोडे यांच्याच पावलावर पाऊल ठेवत रोहिदास गोडे यांनी सामाजिक भान ठेवत पिडीसीसी बँकेच्या माध्यमातून सर्वसामान्य शेतकरी मजूर नोकरदार वर्ग यांची अप्रतिम सेवा केली आहे.अतिशय पारदर्शक आणि स्वच्छ कारभाराबद्दल त्यांची ओळख आहे.” यावेळी व्यासपीठावर ज्येष्ठ आदिवासी नेते दादाभाऊ बगाड,पिडीसीसी बँकेचे माजी संचालक आणि समाज कल्याण खात्याचे माजी सभापती तुळशीराम भोईर,वरिष्ठ अधिकारी सुभाष कवडे शिंगाडे सर.मारुती उतळे किशोर डामसे शंकर साबळे. शंकर जोशी,दत्तात्रेय चकवे,युवराज ढेगळे,जी. के.लांडे , शांताराम घोडे, महेंद्र मोजाड,सुधाकर आंबडेकर, प्रशांत मोजाड,भाऊ कारभळ,शंकर गोडे,गारे सर, उत्तम साबळे,पोपट घोडे,तुकाराम लांघी,दत्ता गवारी, विकास राऊत,बाळासाहेब महाकाळ,नितीन रोकडे, जगण साळवे,अशोक बोचरे,बाळासाहेब मुरादे विभागीय आधिकार,मारुती वायाळ,देवराम नांगरे, शेखर कुलकर्णी,कोकतरे सर,बुधाजी शिंगाडे,नांगरे गुरुजी,गणेश मराडे,सचिन ताजणे,सुनील डुंबरे, ऋषिकेश तांबे,अमित जाधव,वसंत ताजणे,संदीप जाधव,आदी मान्यवर उपस्थित होते.
यावेळी मान्यवरांच्या शुभ हस्ते रोहिदास गोडे व त्यांच्या धर्मपत्नी वाघिरे महाविद्यालयाच्या ज्येष्ठ लिपिक पुष्पा गोडे यांचा भेट वस्तू देऊन सपत्नीक सन्मान करण्यात आला.गोडे यांच्या बद्दल व त्यांच्या बँकिंग क्षेत्रातील योगदानाबद्दल सर्वांनी त्यांचे तोंड भरून कौतुक केले.जुन्नर चे आमदार अतुल बेनके,माजी आमदार शरद सोनवणे,जिल्हा परिषदेचे माजी अध्यक्ष देवराम लांडे, जिल्हा परिषदेचे माजी सदस्य मोहित ढमाले,तुषार थोरात,गोविंद साबळे, कावा गागरे,काळू शेळकंदे आदिंनी शुभेच्छा दिल्या. कार्यक्रमाचे प्रास्ताविक व सूत्रसंचालन भाऊसाहेब खाडे यांनी केले. जी .के. लांडे यांनी आभार मानले.