जुन्नर तालुका प्रतिनिधी:-रविंद्र भोर
रयत शिक्षण संस्थेचे श्री.रामदास हायस्कूल बेलापूर बदगी या शाळेचे तब्बल १८ वर्षांनंतर सन २००५-०६ बॅचच्या माजी विद्यार्थ्यांचा स्नेहमेळावा माळशेज ऍग्रो फार्म डिंगोरे येथील हॉलमध्ये झाला. यावेळी शालेय जीवनातील आठवणींना सर्वांनी उजाळा दिला.काहींनी आपल्या आनंदाश्रूंना वाट मोकळी करून दिली.सर्वांनी आपापले मनोगत व्यक्त करून आपल्या भावना व्यक्त केल्या.आपले वय,पद, प्रतिष्ठा,कामाचा व्याप बाजूला ठेवून पस्तीशीकडे झुकलेले हे सर्व माजी विद्यार्थी अगदी उत्साहाने एकत्र जमले.त्यांच्या चेहऱ्यावर आनंद ओसंडून वाहत होता. अनेक वर्षांनंतर आपण एकत्र भेटत आहोत. त्यामुळे ओळख लागते की नाही ही मनातील भावनाही होतीच पण एकत्र आले आणि सर्वांनीच गळाभेट घेतली.कार्यक्रमाचे संयोजन बबन महाले, संदीप पाडेकर,अजित फापाळे,रवींद्र बीडकर यांनी केले.यावेळी भूषण मवाळ,अभिषेक फापाळे,शिरीन मनियार,पंकज फापाळे,पूनम फापाळे ,सुनंदा महाले , प्रतिभा महाले,अरुण फापाळे,काशिनाथ हांडे,जयश्री फापाळे,मनिषा वाकचौरे,शितल महाले,दत्तात्रय डोंगरे , अभिजित फापाळे, संतोष शिंगोटे,दत्तात्रय शिंदे,मिथुन फापाळे,प्रशांत लामखडे आदी माजी विद्यार्थीउपस्थित होते.या कार्यक्रमाचे सूत्रसंचालन व स्वागत गणेश फापाळे यांनी केले.बबन महाले यांनी प्रास्ताविक केले. संदीप पाडेकर यांनी आभार मानले.