टाकळी हाजी (प्रतिनिधी)
शिरूर तालुक्यातील जांबुत येथे (दि.२०) रोजी टाकळी हाजी-कवठे येमाई या जिल्हा परिषद गटातील कुंड माऊली महिला प्रभागसंघाची वार्षिक सर्वसाधारण सभा पार पडली.पुणे जि.प.सदस्या सुनीता गावडे,पं.स.माजी सदस्या डॉ.कल्पना पोकळे,जिल्हा अभियान व्यवस्थापन कक्षाच्या वृषाली मोहिते यांच्या शुभहस्ते दिपप्रज्वलन करण्यात आले,यावेळी सामाजिक उद्योजकता तज्ञ रियाज फिरजादे,दे आसरा फाऊंडेशनच्या ऐश्वर्या कुलकर्णी उपस्थित होते.चार समुहातील महिलांनी आपल्या उत्पादनाचे स्टॉल लावले होते,वृषाली मोहिते यांच्या हस्ते चार ग्रामसंघाना सी.आय.एफ.तेरा लाख ऐंशी हजार रुपयेचा निधी वितरित करण्यात आला,रियाज फिरजादे यांनी महिलांना उद्योजक होण्यासाठी आवश्यक बाबींवर, दे आसरा फाउंडेशनच्या वतीने उत्पादने वाढवणे व मार्केटिंग संदर्भात महिलांना मार्गदर्शन केले.
जलजीविका मिशन या सामाजिक संस्थेच्या सहकार्याने उपस्थित सर्व महिलांना शेवग्याच्या रोपांचे वाटप करुन एकाच दिवशी एक हजार एकशे अकरा झाडे लावण्याचा नाविन्यपूर्ण उपक्रम राबविण्यात आला.बँकेचे खाते उघडणे, बँक अर्थ सहाय्य उपलब्ध करून देणे इतर सहकार्य केल्याबद्दल प्रभागसंघाच्या वतीने बँक ऑफ महाराष्ट्र,एच.डी.एफ.सी.बँक,आय.सी.आय.सी.आय.बँक,पिडीसीसी बँकेचे शाखा व्यवस्थापक यांचा सत्कार करण्यात आला.यावेळी गावातील आजी-माजी सरपंच, उपसरपंच,ग्रामपंचायत सदस्य,पोलीस पाटील,जि.प. गटातील ग्रामसंघाच्या पदाधिकारी,लिपिका,सी.आर.पी.व चारशे सत्तेचाळीस स्वयं सहायता समुहातील एक हजार एकशे तीस महिला उपस्थित होत्या.तालुका अभियान व्यवस्थापक शिल्पा ब्राम्हणे,व्यवस्थापक दादासाहेब शिंदे,प्रभाग समन्वयक अनिल नरके,प्रभाग समन्वयक सोनल सोनोने या सर्वांनी तालुक्यात महिला बचत गटाचे खूप मोठे जाळे निर्माण केले आहे.पंचायत समिती अंतर्गत योजना उपलब्ध करून देत आहेत.
याप्रसंगी मा.वृषाली मोहिते यांनी महिलांना प्रोत्साहन देऊन प्रभागसंघाच्या कामाविषयी मार्गदर्शन केले.उमेद अंतर्गत उत्कृष्ट कामकाज केलेल्या सीआर.पी.चा सन्मान चिन्ह व प्रशस्तीपत्रक देऊन सन्मान करण्यात आला.या वेळी प्रभागसंघा अंतर्गत झालेले कामकाज,प्राप्त निधी,जमा-खर्च इत्यादीचे अहवाल वाचन प्रभागसंघाच्या लेखापाल यांनी केले.