जुन्नर तालुका प्रतिनिधी:-रविंद्र भोर
सामाजिक सलोखा, विश्वबंधुत्व आणि शांतीचा संदेश देणारा रमज़ान ईद देशात उत्साहात साजरा होत असताना जुन्नर तालुक्यातील ओतूर गावातील पत्रकार व महाराष्ट्र राज्य मराठी पत्रकार संघाचे जुन्नर सदस्य शौकतभाई टेलर यांच्या राहत्या घरी रमजान ईद उल फित्र साजरी करण्यासाठी महाराष्ट्र राज्य मराठी पत्रकार संघाचे पुणे जिल्हा उपाध्यक्ष रविंद्र भोरव जुन्नर तालुका अध्यक्ष राजेश डोके उपस्थित राहून मोठ्या उत्साहात साजरी केली.
सकाळी ९ वाजता सामुदायिक नमाज पठण झाल्यावर सर्व मुस्लिम बांधवानी मिळून दुवा केली. त्यानंतर सर्व मुस्लिम बाधवांनी गावात ऐक्य प्रस्थापीत रहावे,सर्वांनी मिळून मिसळून रहावे तसेच सर्वांचे आरोग्य उत्तम रहावे ह्यासाठी प्रार्थना केली.त्यानंतर सर्व मुस्लिम जमातीला संबोधित केले.त्यानंतर गावातील ग्रामस्थांसाठी आणि मित्र मंडळींसाठी शिरखुरम्याचे आयोजन करण्यात आले !
यावेळी रविंद्र भोर यांनी महाराष्ट्र राज्य मराठी पत्रकार संघाच्या वतीने तसेच संघाचे सरचिटणीस व संपादक दैनिक समर्थ गावकरी डॉ.विश्वासराव आरोटे आणि संघाचे अध्यक्ष वसंतराव मुंढे तसेच दैनिक संध्या संपादक ज्योती नाळे व शिरूर महाराष्ट्र न्यूज चे संपादक शुभम वाकचौरे यांच्या वतीने सर्व मुस्लिम बांधवांना रमजान ईद उल फित्र निमित्ताने हार्दिक शुभेच्छा दिल्या.