मंगेश माळी:-अध्यक्ष
हिरामण हगवणे:-उपाध्यक्ष
जुन्नर प्रतिनिधी : रविंद्र भोर
कोपरे-जांभुळशी ता:-जुन्नर या आदिवासी अतिदुर्गम ग्रामपंचायत ची मंगळवार दि.22/8/2023 रोजी ग्रामसभा अत्यंत खेळीमेळीच्या वातावरणात पार पडली या मध्ये अनेक प्रश्नावरती चर्चा झाली यावेळी नियमानुसार महात्मा गांधी तंटामुक्ती समिती स्थापन करण्यात आली व नवीन कार्यकारणी जाहीर करण्यात आली.
मंगेश खंडु माळी यांची अध्यक्षपदी बिनविरोध निवड झाली असून हिरामण लाडु हगवणे यांची उपाध्यक्षपदी निवड करण्यात आली ग्रामसभा खेळीमेळीच्या वातावरणात पार पडली या वेळी सरपंच रोहीणी माळी उपसरपंच सोनु कुडाळ काशिनाथ माळवे,हौसाबाई काठे,विठ्ठल कवटे,शंकर माळी,उमेश माळी,लक्ष्मण हगवणे,शंकर खंडु माळी, भास्कर हगवणे,बाळु हगवणे,रामदास माळी, अंगणवाडी सेविका,सर्व महीला बचतगट ग्रामसेवक ठाकरे मॅडम आणि गावकरी उपस्थित होते.
आमचा भाग अतिदुर्गम व आदिवासी असल्याने गावातील सर्व वाद,भांडणे,तंटे,पोलीस ठाण्यात दाखल न करता या महात्मा गांधी तंटामुक्ती समितीच्या योग्य निर्णय घेतले जाऊन सोडवण्यासाठी प्रयत्न करणार असल्याचे नवनिर्वाचित अध्यक्ष मंगेश माळी यांनी सांगितले.