जुन्नर तालुका प्रतिनिधी:-रविंद्र भोर
जुन्नर हेल्थ प्रीमियर लीग तालुका आरोग्य विभागाअंतर्गत पर्व १ टेनिस क्रिकेट स्पर्धा नुकत्याच सावरगाव येथे पार पडल्या.यामध्ये मढ येथील प्राथमिक आरोग्य केंद्राने बाजी मारत अव्वल क्रमांक पटकाविला,अशी माहिती ओतूरचे वैद्यकीय अधिकारी श्रीहरी सारोक्ते यांनी दिली.
जुन्नर तालुका वैद्यकीय अधिकारी डॉ.वर्षा गुंजाळ यांच्या संकल्पनेतून जुन्नर हेल्थ प्रीमियर लीग तालुका आरोग्य विभाग अंतर्गत पर्व १ टेनिस क्रिकेट स्पर्धांचे आयोजन करण्यात आले होते.त्यात सर्व प्राथमिक आरोग्य केंद्रातील खेळाडूंनी उत्स्फूर्त सहभाग घेतला.या स्पर्धेत आठ संघ सहभागी झाले होते.त्यामध्ये प्रथम बक्षीस प्राथमिक आरोग्य केंद्र मढ, द्वितीय तालुका ऑफिस जुन्नर (तालुका ऑफिस, वारूळवाडी,शिरोली बुद्रुक),तृतीय प्राथमिक आरोग्य केंद्र बेल्हे, चतुर्थ प्राथमिक आरोग्य केंद्र येणेरे व सावरगाव यांनी पटकाविले.
तालुका वैद्यकीय अधिकारी वर्षा गुंजाळ व डॉ.श्रीहरी सारोक्ते यांच्या मार्गदर्शनाखाली सर्व सामने सुरळीतपणे पार पडले.