जुन्नर प्रतिनिधी:-रविंद्र भोर
ओतूर ता-जुन्नर येथील ग्रामविकास मंडळ या संस्थेच्या चैतन्य विद्यालयाच्या कुमारी श्रुती मंगेश कोंडार आणि अंजली शेखर ढमाले या विद्यार्थिनींनी गीत गायन स्पर्धेत चतुर्थ क्रमांक मिळवल्याची माहिती मुख्याध्यापक ज्ञानेश्वर पानसरे यांनी दिली. मंचर येथील इनरव्हील क्लब ने या स्पर्धा जिल्हास्तरावर आयोजित केल्या होत्या.विद्यालयाच्या वतीने इयत्ता पाचवी ते सातवीच्या गटात अंजली शेखर ढमाले हिने तर आठवी ते दहावीच्या गटात श्रुती मंगेश कोंडार यांनी अतिशय उत्कृष्टपणे आपली गायन कला सादर करून ट्रॉफी,मानपत्र व रोख सातशे रुपये चे बक्षीस मिळवले.पुण्यातील नामवंत संगीत क्लास मधील विद्यार्थ्यांशी या दोघींना स्पर्धा करावी लागली. संगीत विशारद ,संगीत अलंकार झालेले परीक्षक येथे आले होते.
विद्यालयाच्या सांस्कृतिक विभाग प्रमुख सोनाली माळवे,संजय डुंबरे,विठ्ठल शितोळे,मंगेश कोंडार यांनी या दोघींना मार्गदर्शन केले होते.संस्थेचे अध्यक्ष अनिल तांबे,प्रभाकर तांबे,राजेंद्र डुंबरे,रघुनाथ तांबे,प्रदीप गाढवे,पंकज घोलप आदींनी या मुलींचे विशेष कौतुक केले आहे.