प्रवाशांचे जीवन धोक्यात, प्रशासनाची निष्काळजी कारवाई – संतापजनक स्थिती!

जुन्नर प्रतिनिधी

नगर महामार्गावर एसटी सेवेला आता प्रवाशांचा जीव धोक्यात आणणारी सेवा मानली जात आहे! कल्याण-आळेफाटा-साकोरी मार्गावर MH20 BL2991 बसला प्रवास करत असताना, संध्याकाळी 6:30 वाजता अचानक बिघाड झाला. या बसमध्ये 50-60 प्रवासी होते, त्यात 25-30 महिला प्रवासी होत्या. बसमधील प्रवाश्यांच्या नजरेत येताच हे बिघाड झाले, पण तरीही चालकाने ती बस मुरबाड स्थानकापर्यंत पोहोचवण्याचा निर्णय घेतला.या अराजकतेमध्ये, प्रवाशांना जीवघेण्या प्रवासात धाडले गेले. मात्र, स्थानकावर पोहोचल्यावर प्रशासनाच्या निष्काळजी कारभारामुळे त्यांच्या मदतीला कोणतीही वेळेवर उपाययोजना आली नाही. त्याऐवजी, कंट्रोलरच्या अरे-रावाच्या वागणुकीने प्रवाशांमध्ये रोष निर्माण झाला. महिला प्रवाशांच्या त्या परिस्थितीचा विचार करणे अत्यंत आवश्यक होता, परंतु त्यांचे सुरक्षेसाठी प्रशासनाने एकही उपाय केला नाही!महिला प्रवाशांना साडेदहाच्या सुमारास पोहोचण्याची आवश्यकता होती, परंतु मुरबाड स्थानकावर बस बंद पडली आणि त्यांना पाच ते दहा किलोमीटर पायी प्रवास करण्यास मजबूर व्हावे लागले. सर्वात धक्कादायक बाब म्हणजे, जुन्नर तालुक्यात बिबट्यांचा वावर मोठ्या प्रमाणावर आहे. त्यामुळे त्यांचे कुटुंबीय व नातेवाईक सतत फोन करून त्यांच्या सुरक्षिततेची चौकशी करत होते. असं असताना प्रशासनाची कारवाई हवी होती, पण त्याऐवजी त्यांच्याशी त्याचं अपमानकारक वागणूक केली गेली.नितीन परंडवाल, सावता सेना प्रदेश उपाध्यक्ष, यांनी यावर कडव्या शब्दांत प्रतिक्रिया दिली: “एसटी प्रशासनाचं हे निष्काळजीपण अस्वीकार्य आहे! प्रवाशांचा जीव धोक्यात आहे आणि तरीही प्रशासन काही करत नाही. जर तुमच्याकडे प्रवाशांसाठी सुरक्षित सेवा देण्याची क्षमता नसेल, तर तुमच्या सेवेला तात्काळ बंद करा!”प्रवाशांची मागणी आहे की बससेवेची नियमित देखभाल करावी, बस ऑडिट करावं, आणि प्रवाशांना सुरक्षित, वेळेवर सेवा द्यावी. माळशेज घाटातही गाड्या बंद पडण्याचा प्रकार होत आहे, त्यामुळे प्रवाशांना आणखी अडचणी येत आहेत. प्रशासनाने यावर त्वरित सुधारणा करावी, अन्यथा भविष्यात प्रवाशांचा संताप आणखी वाढू शकतो.प्रशासनाची गाफीलता आणि निष्काळजीपणाची वावड आहे. एसटी सेवेचे भविष्य अंधकारमय दिसत आहे, जर तात्काळ सुधारणा न झाल्या, तर प्रवाशांची असंतोषाची लाट नक्कीच उसळणार आहे. सर्वांनी एकत्र येऊन या असंतोषाच्या लाटेला आवाज द्यावा आणि प्रशासनाने योग्य दुरुस्ती व उपाययोजना केली पाहिजे!