शुभम वाकचौरे
शिरूर येथील भाजीमार्केट गल्लीमध्ये चालताना गणेश गावडे याचा फिर्यादीस धक्का लागला. फिर्यादी त्याला निट चाल म्हणाल्याचा राग आल्याने आरोपीने शिवीगाळ करत तरुणावर धारदार शस्त्राने हल्ला केला आहे. आरोपी विरुद्ध फिर्याद दिल्याने शिरूर पोलीस स्टेशन येथे गुन्हा दाखल करण्यात आला आहे.
शिरूर पोलिसांनी दिलेल्या माहितीनुसार सविस्तर हकीकत अशी की (दि : 17 ) रोजी ९:०० ते ९: ३० वा दरम्यान मौजे शिरूर ता शिरूर जि पुणे गावचे हद्दीत भाजीमार्केट येथील गल्लीमध्ये चालताना गणेश गावडे याचा फिर्यादीस धक्का लागल्याने फिर्यादी त्याला निट चाल म्हणाल्याचा राग आल्याने त्याने आरोपीने शिवीगाळ केली. त्यानंतर फिर्यादी व आरोपीची भांडणे तेथे जमलेल्या लोकांनी सोडवली. त्यानंतर भाजीमार्केट गल्लीमध्ये फिर्यादी बसलेले असताना आरोपी गणेश गावडे हा त्या ठिकाणी आला व म्हणाला तुला लय माज आला आहे काय असे म्हणुन त्याने त्याचे जवळील कोणत्यातरी धारदार हत्यार फिर्यादीचे डोक्यात मारून जखमी करून शिवीगाळ दमदाटी केली आहे. गणेश गावडे रा पाचर्णे मळा तर्डोबा वाडी ता शिरूर जि पुणे याचे विरुद्ध फिर्याद दिलेने गुन्हा दाखल करण्यात आला आहे.
या घटनेचा पुढील तपास सहायक पोलीस निरीक्षक गिरी हे करत आहेत.