जुन्नर तालुका प्रतिनिधी:-रविंद्र भोर
दिनांक – १५ जून २०२४ रोजी शासकीय आश्रमशाळा खटकाळे ता:- जुन्नर जि:- पुणे ठिकाणी शैक्षणिक वर्ष २०२४- २५ या वर्षातील प्रथम दिवस “प्रवेशोत्सव”दिवस म्हणून मोठ्या दिमाखात व उत्साहात साजरा करण्यात आला. प्रवेशोत्सवानिमित्त आकर्षक शाळा व परिसर सजावट करण्यात आली.यावेळी नवागतांचे स्वागत विद्यार्थ्यांना पाठ्यपुस्तकाचे वाटप,विद्यार्थ्यांनी तयार केलेल्या हस्तकला व चित्रकामाचे प्रदर्शन,तसेच शिष्यवृत्ती परीक्षा यशस्वी विद्यार्थी,मार्च-२०२४, इयत्ता -१० वी व १२ या परीक्षेत गुणानुक्रमे प्रथम पाच विद्यार्थ्यांचा यावेळी सत्कार कार्यक्रमाचे अध्यक्ष रामदास झाडे व प्रमुख पाहुणे खटकाळे गावचे सरपंच बाळू आप्पा केदारी यांच्या हस्ते करण्यात आला. उपस्थित विद्यार्थ्यांना मार्गदर्शन शाळा प्रतिनिधी शिक्षक सुरेश घोळवे व संभाजी सूर्यवंशी यांनी केले.सदर कार्यक्रमास कार्यालयीन प्रतिनिधी म्हणून माणिक चकवे ,सर्व शिक्षक,अधिक्षक, अधिक्षिका,शिक्षकेतर कर्मचारी,पालक व विद्यार्थी उपस्थित होते.प्रवेशोत्सव कार्यक्रमाचे सूत्रसंचालन प्रवीण गाढवे, योगेश गवारी व आभार प्रदर्शन ज्ञानेश्वर भालेकर यांनी केले.