प्रतिनिधी : जिजाबाई थिटे
पाबळ ता.शिरूर जि.पुणे येथील श्री पद्ममणी जैन श्वेतांबर तीर्थपेढी संचलित श्री पद्ममणी जैन इंग्लिश मीडियम स्कूलचा इ.१० वीचा निकाल १००℅ लागला असून सलग १२ वर्षे ही निकालाची परंपरा विद्यार्थ्यांनी कायम राखली आहे.श्री पद्ममणी जैन इंग्लिश मीडियम स्कूलच्या विद्यार्थ्यांनी घवघवीत यश संपादन केले असून त्यांच्या या यशाबद्दल परीसरात सर्वत्र कौतुक होत आहे.महाराष्ट्र राज्य माध्यमिक उच्च माध्यमिक शिक्षण मंडळ पुणेने यावर्षीचा इ.१० वीचा निकाल नुकताच ऑनलाइन जाहीर केला त्यामध्ये विद्यालयाची विद्यार्थिनी सानिका बाफना हिने ९५% मिळवून विद्यालयात प्रथम येण्याचा मान पटकावला अनुक्रमे संस्कृती मयूर कोठारी ९४.६०℅द्वितीय तर सुमेध जाधव या विद्यार्थ्याने ९०.८०% गुण मिळवून विद्यालयात तृतीय क्रमांक मिळवला.संस्थेचे अध्यक्ष हर्षद गांधी,सचिव सुनील राठोड,केतन शहा,जयेश शहा,गिरीश शहा,भूषण गांधी व संचालक सर्व संचालक मंडळाने तसेच विद्यालयाच्या कार्यक्षम मुख्याध्यापिका सुरेखा वाईकर यांनी विद्यार्थ्यांचे व त्यांना मार्गदर्शन करणाऱ्या सर्व शिक्षकांचे अभिनंदन केले.परिसरात सर्व सुविधांयुक्त विद्यालय असून दैनंदिन अभ्यासाबरोबरच अनेक सहशालेय उपक्रम देखील विद्यालयात घेतले जातात. त्याचबरोबर जादा तास व लीड डिजिटल तंत्रज्ञानच्या माध्यमातून विद्यार्थ्यांना मार्गदर्शन केले जाते.आपल्या पाल्याच्या उज्वल भविष्यासाठी जास्तीत जास्त विद्यार्थ्यांनी विद्यालयात नवीन शैक्षणिक वर्षात प्रवेश घेण्याचे आवाहन मुख्याध्यापिका सुरेखा वाईकर यांनी पालकांना केले.