प्रतिनिधी : जिजाबाई थिटे
जिल्हा परिषद प्राथमिक शाळा कनेरसर ता.खेड जि.पुणे इ.२रीचा विद्यार्थी अर्णव राहुल गायकवाड याने विविध शिष्यवृत्ती परीक्षांमध्ये यश संपादन केले असून परिसरामध्ये त्याचे कौतुक होत आहे .ग्रामीण भागातील जिल्हा परिषद शाळेच्या ह्या यशामुळे पालकांचा जिल्हा परिषद शाळांकडे पाहण्याचा दृष्टिकोन बदलत आहे.अर्णव याने एन.एस.एस.ई.परिक्षेत १८० गुण,भारतीय अभिरुप शिष्यवृत्ती परिक्षेत १४६ गुण मिळवून राज्य गुणवत्ता यादीत तिसरा येण्याचा मान मिळवला तर मंथन सामान्य ज्ञान शिष्यवृत्ती परीक्षेत १३४ गुण मिळवून राज्य गुणवत्ता यादीत नववे स्थान पटकावले.
अर्णवला शुभांगी जाधव/ गायकवाड,सारिका राक्षे/दौंडकर तसेच अंजली शितोळे/म्हसुडगे मुख्याध्यापिका यांनी मार्गदर्शन केले समूह साधन केंद्राच्या केंद्रप्रमुख कल्पना टाकळकर यांनी तसेच शालेय व्यवस्थापन समितीने सर्वांचे या यशाबद्दल कौतुक केले.