निर्वी प्रतिनिधी: शकील मनियार
शिरूर तालुक्यातील निर्वी येथे सालाबाद प्रमाणे यंदाही दत्त जयंती मोठ्या उत्साहात साजरी करण्यात आली यावेळी भाविकांचा मोठ्या प्रमाणात प्रतिसाद पहावयास मिळाला.यावेळी संगीत भजनाचा कार्यक्रम झाला.सकाळी १०: ३०ते११:४५ यावेळेस ह भ प सविताताई कोंडीराम सोनवणे यांचे सुश्राव्य दत्त जन्म व दत्त कार्य महिमा यावर सुंदर प्रवचन झाले.११:४५ते१२:०० वाजता दत्त जन्म १२:०० महाआरती.१२: १० वाजता दानशूर व्यक्तिमत्व जयसिंग काका सोनवणे यांनी महाप्रसादाचे वाटप करण्यात आले.ह भ प सविताताई सोनवणे यांनी आपल्या सुश्राव्य वाणीतून दत्त जन्म तसेच दत्त कार्य महिमा यावर सुंदर प्रवचन केले भाविकांना मंत्रमुग्ध करून टाकले भाविकांनी त्यांना मोठ्या प्रमाणात प्रतिसाद देण्याचा पहावयास मिळाला. यावेळी निर्वी ग्रामस्थांनी तसेच दत्त जयंती उत्सव यांनी दत्त जयंतीचे सुरेख असे नियोजन केले होते.यावेळी ह भ प सविताताई सोनवणे यांचा सन्मान माजी सरपंच शांताबाई गुरव तसेच दानशूर व्यक्तिमत्व जयसिंग काका सोनवणे यांचा सन्मान प्रगतीशील बागायतदार रामदास माळवदकर यांनी केला.यावेळी कार्यक्रमाचे सूत्रसंचालन मेजर नंदकुमार सोनवणे यांनी केले तसेच कार्यक्रमाच्या निमित्ताने माजी आदर्श उपसरपंच निलेश सोनवणे मेजर यांनी सांगितले की असे स्वरूपाचे कार्यक्रम आपल्या गावामध्ये होत असताना मनस्वी आनंद होत आहे तसेच भक्तगणांना धन्यवाद दिले कार्यक्रम चांगल्या पद्धतीने झाल्याबद्दल त्यांनी सर्व ग्रामस्थांना धन्यवाद देऊन आलेल्या सर्व मान्यवरांचे आभार मानले.