प्रतिनिधी : सचिन थोरवे
पुणे जिल्हा शिक्षण मंडळाच्या न्यू इंग्लिश स्कूल शिरोली बु.||विद्यालयात दिनांक 12/12/2023 व 13/12/2023 रोजी विविध प्रदर्शनाचे आयोजन करण्यात आले. विज्ञान प्रदर्शन चित्रकला प्रदर्शन रांगोळी व हस्तकला प्रदर्शन यांचा यात समावेश होता. प्रदर्शनाचे उद्घाटन कुकडी व्हॅली पब्लिक स्कूलचे सचिव श्री. विष्णू शेठ थोरवे यांच्या हस्ते करण्यात आले. विद्यार्थ्यांनी बनविलेल्या विविध कलाकृती प्रदर्शनात मांडण्यात आल्या.
प्रदर्शनात 46 विज्ञान 39 रांगोळी 150 चित्रकला हस्तकला 41 असे प्रकल्प मांडण्यात आलेले होते. विद्यार्थ्यांच्या अंगभूत गुणांना वाव देण्यासाठी सदर प्रदर्शनाचे आयोजन करण्यात आले होते. विद्यालयातील विद्यार्थी परिसरातील सर्व शाळांनी सदर प्रदर्शनाचा लाभ घेतला. विद्यार्थ्यांनी तयार केलेल्या या प्रकल्पाचे सर्वच स्तरातून कौतुक करण्यात आले. रायगड जिल्ह्याचे अप्पर जिल्हाधिकारी मा. सुनील थोरवे साहेब हे मुलांना प्रेरणा मिळावी या हेतूने गेली अनेक वर्षापासून विद्यार्थ्यांना बक्षीस देण्याचे महान कार्य ते करत आहे यावर्षी देखील यांच्या वतीने विद्यार्थ्यांना आकर्षक ट्रॉफी व प्रशस्तीपत्रक देऊन बक्षीस वितरण करण्यात आले. सदर कार्यक्रमाप्रसंगी उपसरपंच वैशालीताई थोरवे, शाळा व्यवस्थापन समितीचे अध्यक्ष सुनील शेठ विधाटे,पोलीस पाटील अमोल शेठ थोरवे, तंटामुक्तीचे उपाध्यक्ष सचिन थोरवे, डॉ.बी .व्ही राऊत, माजी सरपंच मीनाताई उकिर्ड, आकाशवाणी पुणे केंद्राचे प्रतिनिधी श्री राजाराम चौधरी, गणेश उकिडे सर, विद्यालयाच्या पर्यवेक्षिका अनघा घोडके मॅडम आदी मान्यवर उपस्थित होते. कार्यक्रमाची प्रस्तावना मुख्याध्यापक श्री. हांडे पी.एस. यांनी केली. सूत्रसंचालन जनार्दन खेडकर सर, तर आभार श्री. संतोष देवकुळे सर यांनी मानले.