जुन्नर प्रतिनिधी : सचिन थोरवे
डॉक्टर श्री नानासाहेब धर्माधिकारी प्रतिष्ठान रेवदंडा तालुका अलिबाग जिल्हा रायगड यांच्या वतीने नारायणगाव परिसरामध्ये स्वच्छता अभियानाच्या आयोजन करण्यात आले होते स्वच्छता पंधरवडा स्वच्छता ही सेवा या उपक्रमांतर्गत महाराष्ट्र राज्याचे स्वच्छता दूत पद्मश्री महाराष्ट्र भूषण डॉक्टर आप्पासाहेब धर्माधिकारी व डॉक्टर सचिन दादा धर्माधिकारी यांच्या मार्गदर्शनाखाली त्या स्वच्छता अभियानाच्या आयोजन करण्यात आले होते.
सकाळी दहा वाजल्यापासून प्रतिष्ठानच्या सदस्यांनी नारायणगाव आठवडे बाजार मावळे आली ते बस स्थानक , बाजारपेठे ते बस स्थानक ,जुना जुन्नर रोड ते बस स्थानक, बस स्थानक परिसर पुणे नाशिक महामार्ग अशा एकूण आठ हजार चौरस मीटर जागेचे तसेच दहा किलोमीटर दुतर्फा रस्त्यांची स्वच्छता केली. यावेळी साधारणपणे तीन टन ओला कचरा व सहा टन सुका कचरा जमा करण्यात आला ग्रामपंचायत मार्फत देण्यात आलेल्या प्रतिष्ठानच्या वतीने मागविण्यात आलेल्या अशा ७ वाहनांमधून हा कचरा, डंपिंग ग्राऊंडवर डेपोपर्यंत नेऊन त्याची विल्हेवाट लावण्यात आली. या स्वच्छता अभियानाच्या प्रसंगी जुन्नर तालुक्याचे विद्यमान आमदार श्री अतुल बेनके तसेच जुन्नर चे श्री तहसीलदार रवींद्र सबनीस,गटविकास अधिकारी श्री महेश शेजाळ, गटशिक्षणाधिकारी अनिता शिंदे, विस्तार अधिकारी जयश्री बेनके, ग्रामविकास विकास अधिकारी, श्री नितीन नाईकरे तसेच सामाजिक कार्यकर्ते श्री रोहिदास केदारी आणि नारायणगाव परिसरातील नागरिक आणि १२५ श्री सदस्य स्वयंस्फुर्तीने उपस्थित होते.