जुन्नर प्रतिनिधी :- रविंद्र भोर
ज्येष्ठ नागरिक संघ,ओतूरच्या तर्फे ओतूर मध्ये येणाऱ्या सर्व प्रवाशी व पर्यटकांना जुन्नर तालुक्यातील पर्यटन स्थळांची माहिती मिळावी म्हणून पर्यटन स्थळांचा नकाशा ओतूर एस.टी.बस स्थानक येथे लावण्यात आलेला असून त्याचे अनावरण पत्रकार महेश घोलप यांचे शुभहस्ते रविवार दि.२४ सप्टेंबर रोजी सकाळी ११.३० वाजता संपन्न झाले.
जुन्नर तालुक्याचा पर्यटन नकाशा लावण्याचा उद्देश म्हणजे प्रवाशी वर्गाला तालुक्याची माहिती मिळावी कोणकोणती प्रसिद्ध स्थळे आहेत कसे जाता यावे या मार्गदर्शनासाठी हा नकाशा लावण्यात आला असून या गोष्टीमुळे ओतूर परिसरातून ज्येष्ठ नागरिक संघाचे कौतुक होत आहे. यावेळी कार्यक्रमास बस स्थानक नियंत्रक सखाराम मिलखे,सुभाष अभंग,अशोक शिरसाठ,ज्येष्ठ नागरिक संघाचे अध्यक्ष महादेव ओतूरकर,सचिव रा.ज्ञा.डुंबरे,संचालक सर्व व्हि.एन.सुतार,अशोक सहाणेसर,दिलिप घोलप,भि.स.माळवे,दत्तात्रय डुंबरे,दत्तात्रय ठिकेकर गुरुजी रामदास ढमाले,व प्रवासी मोठ्या संख्येने उपस्थित होते.