▪️प्रतिनिधी : सौ जिजाबाई थिटे
रोटरी क्लब ऑफ शिक्रापूर यांच्या वतीने देण्यात येणारा नेशन बिल्डर अवॉर्ड आदर्श शिक्षक पुरस्कार श्री भैरवनाथ माध्यमिक व उच्च माध्यमिक विद्यालय आलेगाव पागा येथे कार्यरत असणारे उपशिक्षक संतोष शेळके यांना सन्मानित करण्यात आले. या क्लबच्या वतीने दरवर्षी समाजातील शैक्षणिक क्षेत्रात उल्लेखनीय काम करणाऱ्या व्यक्तीला पुरस्कार देऊन सन्मानित करण्यात येते. विद्यालयातील विविध उपक्रमात विद्यार्थ्यांना योग्य मार्गदर्शन देऊन या उपक्रमात सहभागी करून सतत विद्यार्थी प्रिय शिक्षक म्हणून नावलौकीक असणारे श्री शेळके यांना हा पुरस्कार कै. बाबुराव दौंडकर स्मारक समिती रांजणगाव गणपती येथे झालेल्या कार्यक्रमात शिक्षणाधिकारी माध्यमिक मनपा पुणे सौ.आशाताई उबाळे व तहसीलदार श्री बाळासाहेब म्हस्के यांच्या हस्ते गौरविण्यात आले.
याप्रसंगी शिरूर तालुका मुख्याध्यापक संघाचे अध्यक्ष प्राचार्य श्री तुकाराम बेनके,सचिव मारुती कदम ,रोटरी क्लबचे अध्यक्ष श्री मिलिंद भोसुरे,संस्थापक अध्यक्ष श्री वीरधवल करंजे,सचिव श्री विठ्ठल वाघ, कवीवर्य मनोहर परदेशी उपस्थित होते. शेळके यांना आदर्श शिक्षक पुरस्कार मिळाल्याबद्दल भैरवनाथ विद्यालयाचे संस्थापक अध्यक्ष श्री आप्पासाहेब बेनके,उपप्राचार्य संभाजी कुटे ,संतोष हिंगे ,दिलीप वाळके ,अंबादास गावडे ,अनिकेत बेनके ,देविदास कंठाळे ,मंगल बेनके,संध्याराणी शेळके,नितीन गरुड नवनाथ डुबे सर,सुहास बिडगर ,ज्योती गजरे, बाबूराव मगर,शरद शेलार ,दिपक नाचन लक्ष्मण हरिहर यांनी अभिनंदन केले.