गोलेगाव प्रतिनीधी. चेतन पडवळ
गोलेगाव ता.७ शिरुर शहरातील स्टेट बँक कॉलनी मध्ये घरात बसलेल्या महिलेच्या गळ्याला तलवार लावून महिलेच्या गळ्यातील दागिने चोरीचा प्रयत्न झाल्याने परिसरात खळबळ उडाली असून सदर घटनेबाबत शिरुर पोलीस स्टेशन येथे अज्ञात तीन युवकांवर गुन्हा दाखल करण्यात आला आहे. याबाबत रेखा शिवाजी वाखारे (वय ४४ वर्षे रा. स्टेट बँक कॉलनी शिरुर ता. शिरुर जि. पुणे)यांनी फिर्याद दिली आहे.शिरुर शहरातील स्टेट बँक कॉलनी परिसरात राहणाऱ्या महिला या सायंकाळच्या सुमारास घरात असताना तीन अज्ञात युवक घरामध्ये आले त्यांनी हिराबाई यांच्या गळ्याला तलवार लावून त्यांच्या गळ्यातील सोन्याची पोत हिसकावण्याचा प्रयत्न केला, दरम्यान महिलेने आरडाओरडा केल्याने घरात आलेले तिघेजण पळून गेले, मात्र घडलेल्या घटनेने स्टेट बँक कॉलनी सह परिसरात खळबळ उडाली, याबाबत रेखा शिवाजी वाखारे वय ४४ वर्षे रा. स्टेट बँक कॉलनी शिरुर ता. शिरुर जि. पुणे यांनी शिरुर पोलीस स्टेशन येथे फिर्याद दिल्याने पोलिसांनी तीन अज्ञात युवकांवर गुन्हा केला.