जुन्नर तालुका प्रतिनिधी:-रविंद्र भोर
जुन्नर तालुक्यातील बेल्हे गुंळुंचवाडी ता:-जुन्नन येथे राष्ट्रीय कल्याण नगर महामार्गावर ट्रकने नागरिकांना चिरडल्याची घटना घडली.अंत्यविधीवरुन परतत असताना हा अपघात झाला आहे गावातील व्यक्तीची अंत्यविधी कार्यक्रम संपल्यानंतर रस्त्यावर भरधाव वेगाने येणाऱ्या ट्रकने चिरडलं.या अपघातानंतर गावकरी आक्रमक झाल्याची माहिती मिळत आहे.रास्ता रोकोची भूमिका ग्रामस्थांनी घेतली होती मात्र जुन्नर तालुका उपविभागीय पोलीस अधिकारी रविंद्र चौधर व आळेफाटा पोलीस स्टेशनचे बडगुजर यांनी परिस्थिती लक्षात घेऊन योग्य नियोजन करून वाहतूक सुरळित केली.
जुन्नर तालुक्यातील बेल्हे गुंळुंचवाडी येथे ग्रामस्थ एका व्यक्तीच्या अंत्यविधिवरून परतत होते.त्यावेळी त्यांना भरधाव वेगाने येणाऱ्या एका ट्रकने चिरडलं.यामध्ये ४ जणांचा मृत्यू झालाय तर ८ जण गंभीर जखमी झालेत.कल्याण नगर महामार्गावर हा भीषण अपघात झाल्याचं समोर आले आहे. जखमींना तातडीने रूग्णालयात हलविण्यात आल्याची माहिती मिळत आहे. कल्याण-नगर मार्गावर नेहमीच भीषण अपघात घडतात मात्र या प्रकारचा विचित्र अपघात पहिल्यांदाच घडला असावाया अपघातानंतर गावात तणावाचं वातावरण आहे. ग्रामस्थांनी आक्रमक भूमिका घेतल्याचं समोर आले होते अपघातानंतर नागरिकांचा कल्याण नगर महामार्गावर रास्तारोको केला होता. घटनास्थळी पोलीस पथक दाखल झाल्याची माहिती मिळतेय अंत्यविधीवरुन परततानाच काळाने घाला घातला आहे.भरधाव ट्रकने चिरडल्यामुळे एकाच वेळी ४ व्यक्तींचा मृत्यू झाल्याने मोठी खळबळ उडाली आहे.कल्याण-नगर मार्गावर हा भीषण अपघात झाल्याचं आज समोर आले आहे.:- मृतांत पाच वर्षांच्या चिमुरड्याचा समावेशया अपघातात शितल योगेश दाते (३०),श्रीयांश योगेश दाते (५), दोघे रा.आणे, दत्तात्रय लक्ष्मण गोसावी (वय ६२) रा. गुळूजवाडी या तिघांचा जागीच मृत्यू झाला तर नंदाराम पाटील बुवा भांबेरे (८०) रा. गुळुंजवाडी यांचा उपचार सुरू असताना मृत्यू झाला. सुधीर गुंजाळ,अमोल गुंजाळ,ज्ञानदेव कर्डिले,विठ्ठल जाधव,योगेशराणे,धोंडीभाऊ पिंगट हे जखमी झाले आहेत.