जुन्नर तालुका प्रतिनिधी:-रविंद्र भोर
जुन्नर तालुक्यातील माळशेज घाट परिसरातील सह्याद्रीच्या डोंगर भागातील आदिवासी तळेरान गावातील कु.वृषाली जिजाभाऊ गोडे हीने पुन्हा एकदा यशस्वी झेप घेताना महाराष्ट्र लोकसेवा आयोगाद्वारे सन २०२२ मध्येगट अ अर्थात शिक्षणाधिकारी, गटविकास अधिकारी, मुख्याधिकारी, उपजिल्हाधिकारी, राज्यकर आयुक्त अशा विविध क्लास वन पदांसाठी घेण्यात आलेल्या राज्यसेवा परीक्षेत सहाय्यक राज्यकर आयुक्त या पदाचा पर्याय देताना यश संपादन केले.
सन २०२१ मध्ये तिने महाराष्ट्र लोकसेवा आयोगाच्या वतीने घेण्यात आलेल्या परीक्षेत राज्य कर निरीक्षक या पदाला गवसणी घातली होती.सध्या त्याच पदावर कार्यरत असताना पुन्हा एकदा संधी मिळाल्याने तिने मेहनत व प्रयत्न करून यशस्वी झेप घेतली तळेरान गावासाठी निश्चितच अभिमानाची आणि प्रेरणादायी गोष्ट आहे त्याबद्दल तिचे सर्वत्र कौतुक होत आहे.
ग्राम विकास प्रतिष्ठान तळेरान,सरपंच गोविंद साबळे,उपसरपंच भाऊ कारभळ,पोलीस पाटील छाया डावखर,तंटामुक्ती अध्यक्ष शंकर गोडे, नोकरवर्ग व ग्रामस्थांकडून सोशल मीडिया द्वारे वृषाली व तिच्या कुटुंबीयांना शुभेच्छा देताना कौतुक व अभिनंदनाचा वर्षाव केला जात आहे.