जुन्नर तालुका प्रतिनिधी:-रविंद्र भोर
ओतूर ता.जुन्नर येथील स्व.आमदार श्रीकृष्ण रामजी तांबे कुस्ती संकुल येथे स्व.वैभवदादा विजयराव देशमुख प्रतिष्ठान यांच्यावतीने शुक्रवार ८ मार्च रोजी जागतिक महिला दिनानिमित्त विविध कार्यक्रमांचे आयोजन केले आहे.
यावेळी जुन्नर तालुक्यातील शिवजन्मभूमीतील प्रतिभासंपन्न कर्तृत्ववान महिलांचा सन्मान करण्यात येणार आहे.त्यामध्ये जलतरणपटू रुपाली रेपाळे व कृषी उद्योजक काव्या ढोबळे यांना शिवभूमीची शिवकन्या पुरस्कार तसेच सनदी लेखापाल (सीए) परीक्षा उत्तीर्ण झालेल्या ऋतुजा घोलप हिचा विशेष सन्मान होणार आहे.त्याचप्रमाणे चंदा मालकर, सीताबाई वारे,वत्सला ढोमसे,मंदा तांबे,सुरेखा गिते यांना आदर्श माता पुरस्कार देऊन गौरविण्यात येणार आहे.
या कार्यक्रमासाठी प्रमुख पाहुणे म्हणून राष्ट्रपती शौर्यचक्र पुरस्कार प्राप्त कमांडो मधुसूदन सुर्वे हे उपस्थित राहणार आहेत.याप्रसंगी झी सारेगमप फेम मृदुला मोघे यांचा एकपात्री बहुरंगी हास्यविनोद व सुरेल गाण्यांच्या कार्यक्रम आयोजित केला असल्याची माहिती स्व.वैभवदादा विजयराव देशमुख प्रतिष्ठानच्या मेघना देशमुख यांनी दिली.