प्रतिनिधी :सचिन थोरवे
न्यू इंग्लिश स्कूल शिरोली बु ॥ मध्ये ‘ क्रांतीज्योती सावित्रीबाई फुले जयंती साजरी – — – – – – – – – – – – – – – पुणे जिल्हा शिक्षण मंडळाच्या . न्यू इंग्लिश स्कूल शिरोली बु ॥ विद्यालयात क्रांतीज्योती सावित्रीबाई फुले यांची जयंती मोठ्या उत्साहपूर्ण वातावरणात साजरी करण्यात आल्याची माहिती मुख्याध्यापक श्री . पी . एस . हाडे यांनी दिली . विद्यालयाच्या जेष्ठ शिक्षिका सौ . कवडे एस् . पी , सर्व शिक्षिका आणि विद्यार्थींनींच्या हस्ते सावित्रीबाई फुले यांच्या प्रतिमेचे पुष्पहार अर्पण करून पूजन करण्यात आले .
या निमित्त सर्व शिक्षिका आणि मुलींना मुख्याध्यापक यांच्या हस्ते सन्मानित करण्यात आले . सर्व मुलांच्याही वतीने कुमारी जोया मोमिन हिने सावित्रीबाई यांच्या जीवनावर महत्त्वपूर्ण माहिती सांगितली . श्री . डुंबरे व्ही . एम्. यांनी मनोगत व्यक्त करतांना सावित्रीबाईंच्या सर्वव्यापी कार्याचा उल्लेख केला . सौ . पादिर पी . डी . यांनी ही मनोगत व्यक्त करताना स्त्री पुरुष समानतेचे महत्त्व विद्यार्थ्यांना सांगितले . या वेळी केंद्रिय माहिती तंत्रज्ञान व व्यवसाय प्रशिक्षिण मंडळातर्फे आयोजित मॅथ्स जिनियस ऑलिंपियाड परीक्षेत प्राविण्य प्राप्त विद्यार्थ्यांचे बक्षिस वितरण करण्यात आले . उपस्थितांचे स्वागत श्री . शिंदे आर . पी , सुत्रसंचलन श्री . निधन टी पी तर आभार श्री . विरणक एस . डी . यांनी मानले .