प्रतिनिधी: जिजाबाई थिटे
श्री भैरवनाथ माध्य.व उच्च माध्यमिक विद्यालय आलेगाव पागा येथील आयेशा गुंजाळ या इयत्ता आठवीत शिक्षण घेत असलेल्या विद्यार्थींनीला आर.एम धारीवाल इंग्लिश मिडियम स्कूल शिरूर येथे संपन्न झालेल्या राज्यस्तरीय नाट्यछटा स्पर्धेत चौथा क्रमांक मिळाला या स्पर्धेसाठी राज्यातून १२५ विद्यार्थ्यांनी सहभाग नोंदवला विद्यालयाचे सहशिक्षक प्रा.संतोष शेळके व संतोष हिंगे यांनी आयेशा हिस मार्गदर्शन केले होते.
नाट्यछटा स्पर्धेचे बक्षिस वितरण शिरूर शिक्षण प्रसारक मंडळाचे सचिव नंदकुमार निकम यांच्या हस्ते सन्मानचिन्ह व प्रशिस्तपत्र देऊन गौरविण्यात आले.आलेगाव पागा सारख्या ग्रामीण भागातील मुलीने यश संपादन केल्यामुळे नंदकुमार निकम यांनी तिचे कौतुक केले.
भैरवनाथ विद्यालयात आयेशा हिला फेटा बांधून विद्यालयाचे प्राचार्य सेकंडरी स्कूल एम्प्लॉईज को-ऑपरेटिव्ह क्रेडिट सोसायटी लिमिटेड मुंबईचे संचालक तुकाराम बेनके यांच्या हस्ते सत्कार करण्यात आला त्यावेळी प्राचार्य बेनके यांनी आयेशाचे कौतुक करुन तिने नाट्यछटा स्पर्धेत केलेली उल्लेखनीय कामगिरी बद्दल तीचे अभिनंदन केले व पुढील वाटचालीसाठी शुभेच्छा दिल्या व विद्यालयामध्ये विद्यार्थांच्या कला गुणांना वाव देण्यासाठी करत असलेल्या उपक्रमांची दखल घेत शिक्षकांचे आभार मानले.विद्यालयातील शिक्षक संभाजी कुटे,अंबादास गावडे,दिलिप वाळके,नितीन गरुड,सुप्रिया काळभोर,शरद शेलार,बाबुराव मगर मच्छिंद्र बेनके इ.शिक्षक व शिक्षकेतर कर्मचारी आणि विद्यार्थी यांच्या उपस्थिती मध्ये सत्कार करण्यात आला.